踏入最後一星期, 原來新園區開幕早有預告?!

日子一日一日咁過去，話咁快，距離 反斗奇兵大本營 只係剩返一個星期咋！呢排，我無意中發現咗一樣好特別嘅事；原來新園區開幕早於上年年尾就已經有預告？響樂園未有透露實際開幕日期之前，大家都認為會響今年秋季開幕，但真正既開幕月份都唔係太清楚...

不過響踏入11月嘅時候，我揭一揭月曆，竟然係 反斗奇兵 做主題！呢個月曆係上年年尾響樂園入面買嘅；唔通，樂園方面早於上年就已經定於11月開幕？係一個秘密預告定係純粹巧合？點都好啦，真係愈黎愈期待啊，11月18日一定要反斗玩餐飽！