拎照部相機入樂園玩，周圍影下相，有時都會影到D幾得意既相返黎架！今次就想同大家分享一些搞鬼 米奇 既相片，佢都真係幾活潑架！
呢張相係響上年 飛躍奇妙 活動開始之後冇耐既時候影既。見到 米奇 米妮 已經換上五週年慶典既裝束。佢地當時正要返去後台休息一會，相入面既米妮睇落好似睇緊旁邊演藝人員張紙喎！而同一時間，米奇 雖然拖住 米妮 隻手，不過似乎就唔多理會女朋友，向相機揮手啊！
見到迪士尼朋友向自己部相機揮手、擺甫士，都真係幾興奮架！以下呢張相同樣係 米奇 米妮 返緊後台既時候影既。佢又係響到揮手，哈哈！
而呢一張，就係佢地響後台出返黎既時候影既。米妮 已經一支箭咁走左去亭入面，而 米奇 就依然慢慢踱步。就響呢一刻，佢響俾我影左相啦！唔知點解，覺得相中佢個姿勢，好似怪怪地。
最後呢一張，之後已經上傳過上黎架啦。係響今年既 迎龍接福 活動影既，咁岩佢地兩個分別企響鏡頭既兩邊，同時向住我呢邊揮手，果然係天生一對！
沒有留言:
張貼留言