唔知大家有冇睇過 Wall‧E 呢齣動畫呢？都係一 齣 迪士尼‧彼思 既動畫黎，並榮獲 奧斯卡最佳動畫獎。我鐘意呢齣動畫，主要係因為片中既場景、人物等都設計得非常細緻。就好似響太空船上既場景，畫得非常壯麗，讓人有無限既幻想空間。另一方面，片中既主題同埋劇情亦都設計得好好，係一齣富有教育意義既動畫。
其實我有時間的話，都好鐘意上網睇下不同既圖片，儲存起佢地。特別係動畫片既初稿圖，因為真係畫得好靚。今次就分享一下我先前搵到有關 Wall‧E 既圖片啦！
故事講述，2105年既地球；因為人類既過度消費，環境已經逐漸變差，並且不再適合人類生存。
而機械人 威E (Wall‧E) 既職責，就係要清理好地球上既垃圾。佢一直緊守自己既崗位，時間慢慢過去，佢渡過左700年既日子。
突然，有一架火箭船降落到呢個荒廢左既地球上，並放下了 EVE 機械人。EVE 既職責就係要響地球上尋找生長中的植物，證明地球經已回復生機。
響過程中，Wall‧E 同埋 EVE 慢慢成為好朋友。有一次，Wall‧E 將一棵之前搵到既小植物拎俾 EVE 睇。就係呢一刻，EVE 既任務經已完成，佢收起了植物，並進入待機狀態。Wall‧E 唔知道發生咩事，只能夠陪伴毫無反應既 EVE，亦漸漸愛上了 EVE。
過左一段日子之後，火箭船終於返到地球收回 EVE，為了跟隨愛人，Wall‧E 亦上左船，並啟程前往人類響太空中既新家園，Axiom 太空船。
響 Axiom 船上，Wall‧E 繼續跟隨 EVE。
佢地亦響船上經歷了好多不同既事......
可能大家都有睇過呢齣戲，唔知你又鐘唔鐘意呢？假如未睇過既話，都不妨睇一睇，可能會有意想不到既感覺架！最後，送上4張我響迪士尼官網搵到既桌布！ :)
沒有留言:
張貼留言