最近媽媽又傳來了一個新消息，就係今次日本之旅，我有機會可以玩哂 東京迪士尼渡假區 兩大主題樂園啊！原先只係諗住去 東京迪士尼海洋，因為有我最愛嘅 Duffy迪士尼小熊 嘛！但因為有酒店Package，包兩張成人一天門票，平咗唔少。所以佢話可能會買一張學生兩天門票俾我，第一日我地一家三口去 東京迪士尼海洋，第二天我可以自己入 東京迪士尼樂園，佢地就出市區Shopping行街。
得知呢個驚喜，我當然好興奮啦！我本身係想去 迪士尼樂園 多啲架，但因為 迪士尼海洋 先至有 Duffy，只好揀 迪士尼海洋。而家有機會可以去哂兩個，就緊係最正啦！東京迪士尼樂園 有好多遊樂設施我都想玩，特別係 怪獸公司電力車！
仲有 迪士尼 經典遊樂設施，幽靈公館、巨雷山 同埋 飛濺山。
小飛俠 我都想玩啊！因為我都幾鍾意佢架！原因同 Dumbo 一樣，響天空飛翔嘅感覺實在太美妙！
仲有啲香港都有嘅遊樂設施，有機會玩的話，我一家會睇下同我地香港版本有咩唔同！
其實我而家有一個小擔憂... 就係驚今次旅行會同香港呢邊嘅 灰熊山谷 活動撞期...我諗今次應該都會同 反斗奇兵大本營 一樣，都會有 奇妙處處通 會員 預演日。我當然唔想錯過啦！再者，我都希望響 灰熊山谷 開幕當天都可以入去玩...
媽媽話今次日本之旅暫定為6月7日至6月14日，總共8日。假如 預演日 響7號之前舉行，而開幕日又剛好係14號之後，咁就完美了！希望唔會撞到我去旅行嘅8日啦！唔知幾時先會公佈開幕日期呢？
沒有留言:
張貼留言