換上新背景主題! 太空山!

話咁快又過了一個禮拜啦！我的考試已經響不知不覺間進入尾聲！只係剩返一個禮拜咋！一個禮拜！好期待4月27日聽到 Time is up 嘅一刻！好啦，又襯星期六有多少少休息時間，上黎寫下Blog啦！

原來，先前的春日主題都已經用了兩個月...  再者，呢排又熱又多雨，似夏天多過似春天，香港的天氣就係咁...咁不如就換下新既背景主題啦！今次冇特別題材，只係用咗 太空山 做主題。

飛越太空山 都係我自己幾愛嘅遊樂設施，特別係因為佢時尚嘅外型。至於背景圖片，都係沿用了階磚圖，只係由綠色改為藍色。





呢排樂園嘅 星級款待，冇咩特別相片可以影到；下次嘅背景主題，話唔定已經係用緊由日本新鮮空運回港嘅圖片了！