呢幾個月，暑期又未到，又冇咩大節日；所以 迪士尼星級款待 嘅出現，都係一個唔錯嘅安排，可以令呢段冇咩特別嘅日子變得不再平凡！特別係呢個活動嘅構思，除了令我地有機會多謝每一位努力嘅演藝人員，同時亦可以俾個機會我多向身邊嘅人送上謝意。再者，樂園又推出 VIP同行優惠，更加俾我地同朋友一齊暢遊樂園。
之前，好多時去樂園的話都係同表姐去嘅。但係佢張全年通行證響上年11月18日過了期，之後就只好自己一個人入去。( 冇錯，佢張證咁啱響 反斗奇兵大本營 開幕嗰日過期，哈哈！)
今次，終於可以同一位朋友入去啦！我地決定星期二入去玩！呢位好友同我一樣都係應屆 文憑試 考生，我地響考試期間都互相扶持... 趁呢個機會向佢送上謝意！亦都響呢到向佢講聲「多謝！」。
唔知大家嘅VIP又會係邊個呢？記得同你嘅貴賓入園暢玩啊！:)
沒有留言:
張貼留言