其實響樂園入面嘅商店行一行，都可以見到好多好有趣嘅商品。當然，其中最吸引我嘅，就梗係 Duffy 佢地啦！一隻隻 Duffy 掛袋，其實我想買一隻好耐，但佢個袋又好細，買咗都唔知用黎做咩好，所以一直都冇買。
穿著休閒服套裝嘅 Duffy，之前有網友同我講，買一隻 Duffy 毛公仔，加$50就可以買埋呢套休閒服套裝。上次入去，終於都見到了！真係減價得好嚴重，搞到我因為蝕哂而有啲心痛...
穿著不同服裝嘅 Duffy。因為知道有減價熱潮，所以我都特別睇下價錢。點知發現，飛機師套裝 加咗價！終於有一樣係冇蝕到！=_=
兩隻 巨大Duffy，我成日都會同屋企嗰隻比較。屋企嗰隻，眼旁嘅毛比較長，遮掩咗對眼，搞到對眼好似睇落好細咁！
除了 Duffy，仲有 Pooh 嘅產品。呢隻之前新推出嘅 Pooh，見啲毛嘅質地好似幾好，都有啲想買。但要去日本掃貨，都係要慳啲錢，去完返黎先再算。
上次篇文章都講過，除了以上嘅 Pooh，仲有呢隻新嘅 Baby Dumbo，我都想買。不過都係因為同一個原因，所以都係唔買住，希望唔會買哂啦！
門口嘅 反斗奇兵 精品，可能好快就會俾 灰熊 所取代...
不過我又有一個小發現，就係呢隻彈弓狗！可能出咗好耐，只係我冇留意... 佢個盒係同 轉轉彈弓狗 排隊區個盒一樣架！
講起商品，唔知 灰熊山谷 嘅新商品會係點嘅呢？ 0_0
沒有留言:
張貼留言