東京迪士尼之旅2012 - 旅程日誌
Day 5 日期：6月11日 (星期一)、地點：奈良井宿, 松本
Good Morning！可能太早，Duffy 佢地好似未訓醒喎！
今日又要一早起身食早餐，7:30食。呢次比係之前嗰日嗰次冇咁豐富，不過份量少啲都係一件好事黎。
除咗小吃，都有白飯。而我最喜歡嘅就係呢兩舊蛋啦！
臨走前，再出去影下相啦！
今日天氣都唔錯，陽光普照，真好！
之後我地去咗之前嗰日冇去到嘅寺廟。
寺入面嘅天花板畫咗一條龍。
寺入面嘅大鐘，敲起上黎都幾響。
真係要走啦，去旅館拎行李上車。趁最後機會影下旅館亭園嘅佈置同埋上樓嘅木樓梯。
旅館方面送咗一張明信片俾我地，上面幅畫好似嗰啲摺紙藝術咁，好靚。
之後就坐車出發啦。返東京時經過一個叫松本嘅城市。市入面有一座以前遺留落黎嘅日式城堡，所以我地去咗參觀一下。
城堡周邊都有好多古建築。
入場會有參觀指南，亦可以蓋印留念。
入城堡啦！入面有好多好斜嘅樓梯，要好小心咁行。
牆上有好多箭窗，俾士兵放箭攻擊想入侵嘅敵人。另外亦有一啲大窿，唔知係唔係用黎扔炮彈出去。
一啲小窗可以望到出面嘅景色。我而家就睇風景，但以前啲士兵就係用黎睇戰況。
城堡入面有好多支柱。
呢啲可以伸展出去嘅木簷都幾得意。
城堡入面有不同嘅展品，其中有士兵鎧甲。
另外亦有掛畫等嘅展品。
上到頂樓，又可以睇風景。
又再一次可以望到遠處嘅一啲雪山！
城堡入面嘅佈置都模擬返以前嘅情境。
離開之前，響閣樓上再睇下城堡周邊嘅花園。
參觀完城堡，就正式啟程返去東京啦！下篇文章繼續。
沒有留言:
張貼留言