收穫豐富, 戰利品實錄!

今次嘅迪士尼之旅，又好多戰利品，收穫豐富呢！去旅行，都好少可有咁多戰利品；而最神奇嘅係，我竟然可以好順利咁將佢地運返香港！

拎返行李箱入面嘅野出黎之後，第一件事當然要幫戰利品影張相啦！( 唔知點解，我覺得我影到好似樂園嗰啲發佈會上嘅商品咁XD )

今次主要分為四個類別，遲啲每個類別再分享下，而家暫時做個簡介先啦！第一個類別，係響 東京迪士尼海洋 買嘅商品。哈哈，基本上全部都係 Duffy迪士尼小熊 嘅產品，因為 Duffy 相關嘅產品要響入面先買得到，梗係盡買啦！

之後就到 東京迪士尼樂園 類別，好多 Pooh 啊！

第三個類別係 迪士尼商店Disney Store，終於買到之前講過嘅 豆豆，估唔到原來佢係好大舊架！另外仲有一隻著住睡衣，訓緊覺嘅 Pooh。

最後就係與迪士尼無關嘅商品，主要係文具、零食咁。響機場間 UniQlo 買咗件T恤，引象中香港好似冇呢件...  仲有昨日講過砌到我無癮嘅 Tokyo Skytree NanoBlock。

最後一張相嗰到係一個小背包，唔知大家估唔估到有咩用呢？