今日朝早想執野嘅時候，爸媽已經霸佔咗個廳，所以我唯有等下啦。響等待嘅時候，我拆開咗昨日先響 東京晴空塔Tokyo Skytree 買嘅 NanoBlock。
NanoBlock 係而家好熱門嘅積木黎，性質同Lego差唔多，不過就細粒好多，響香港都見過有得買。響 東京迪士尼渡假區 入面嘅兩個主題公園，都有發售一啲 迪士尼朋友 造型嘅 NanoBlock，不過我就冇買。
既然冇咩野做，我就試下砌佢出黎啦！開始時間係11:59。咁砌咪砌囉，點解標題會寫住 第一章 呢？大家請睇落去...
半個小時過去啦，都只係砌到個基座。=_=
之後，半個小時又再過去... 好似又些少進度啦...
但係個問題係，啲積木太細粒，好難固定。好多時成型之後，又會突然間散返。
砌咗個半鐘之後，響多次嘅成型、拆解之後。我已經覺得非常無奈無癮... 所以最後決定放棄！遲啲先再俾心機砌佢出黎啦！
沒有留言:
張貼留言