講到藝術，我都幾鍾意創作，不過都係以電腦為主，之前都有同大家分享過一啲不同嘅作品。其他用筆畫畫我都鍾意，不過就唔太擅長... 但係響 動畫藝術教室，就人人都可以做畫家！
入面真係好似一間真嘅課室一樣，有一排排嘅枱同埋椅。
之後，就會有演藝人員化身成為動畫老師，教我地畫出唔同嘅迪士尼朋友。
響畫畫嘅同時，亦可以留意下周圍嘅佈置... 牆上掛咗唔同嘅海報，係以前有關 米奇 嘅作品！
黑板上面亦都有啲有關繪畫嘅教學筆記。
如果有機會坐前排的話，留意一下前面嘅台上，都有好多唔同小擺設！
架上面亦有一啲小玩具喎！
而我最感興趣嘅，就係呢一對經典版 米奇 米妮 公仔！
咁多樣裝飾入面，你又覺得邊樣最得意呢？下次入到 動畫藝術教室，畫畫之餘，都可以留意一下入面嘅小物品！
沒有留言:
張貼留言