灰熊山谷 入面另一樣好容易就吸引到你注意嘅，就係一個又一個嘅間歇泉啦。間歇泉、小鎮水塔，同埋兩間互相向對方噴水嘅商店，一同組成 噴泉山谷 呢個玩水區。 行行下突然間會有水花響你面前或者腳下飛濺，唔想濕身就一定要小心留意啦！
其中我覺得值得細心睇一睇嘅，就係間歇泉水池嘅顏色；由藍至黃漸變，好特別。
水塔為整個小鎮供水，但係你都可以借呢到啲水一用，為你降一降溫！只要拉一拉繩，水喉就會開始放水，企響帳篷下面等候濕身啦！
夜晚又係另一個景色，樂園入面好多物件響燈光襯托下，都會變得特別迷人...
就連間歇泉都會配合唔同嘅燈光！
池底嘅漸變顏色日間睇已經覺得好靚，而夜晚睇就更加仙境嘅感覺！
其實個天都未黑哂，因為試玩日都只係去到傍晚7:30。開幕之後等我試下夜晚再入去睇下啲景色，同埋試下夜晚玩過山車，一定別有一留風味！
沒有留言:
張貼留言