響考公開試之前，知道迪士尼方面出咗新嘅電腦遊戲叫做 Disney Universe。睇過啲畫面都幾吸引，所以應承咗自己考完試就買黎玩。但到考完試後，又成日唔記得咗，到昨日咁啱見到有，終於就買咗返屋企啦！其實我原本係想買另一啲野，但尋日去唱片店時候就未有，咁我得閒響間店入面行下，見到呢個遊戲，竟然只係$99 ( 原本應該大約$300)！咁係因為係最後一隻，佢地想清貨，所以有特價。咁平，都冇咩理由反對自己唔買啦...
一入個遊戲個畫面都幾靚，根據 Universe 個名，整到好似一個宇宙咁。
呢個遊戲其中一個特點就係可以自由選擇 迪士尼朋友 造型嘅服飾。
之後就去到 World Select，選擇遊戲世界。呢個遊戲個故事係咁嘅：迪士尼建立咗一個虛擬世界，將不同嘅迪士尼故事重現。你可以響不同嘅世界入面探險，探索一下呢啲迪士尼故事。點知，虛擬世界入面嘅機械人出現問題，令佢地變咗壞人，發生叛變。而我地呢班原本黎到探索故事世界嘅朋友，就要幫手消滅呢啲機械人，拯救呢個虛擬世界。
遊戲入面一共有六個故事世界，但一開始只可以揀 魔盜王。怪獸公司、愛麗絲夢遊仙境、獅子王、太空奇兵威E、阿拉丁，就要靠響遊戲入面拎金幣解鎖。
遊戲啲畫面都幾靚，以下係我響海盜船上嘅場景。
系統將我傳送到虛擬世界，冒險正式開始！
每一個場景都會有三個關卡，而最後一個關卡就有特別任務要完成。呢個場景就係要我擊沉敵人嘅海盜船，以下張圖就係我啱啱成功嘅時候影嘅。
每次完成最後任務，就可以解封一套 迪士尼朋友 造型服飾。
儲夠錢解鎖 太空奇兵威E 故事世界，呢個場景係荒廢嘅地球。
以下係之前響網上面搵返黎嘅 迪士尼朋友 造型服飾圖片，都有好多款架！
唔知你又會唔會有興趣一齊加入拯救 迪士尼虛擬世界 嘅隊伍呢？
沒有留言:
張貼留言