遊園必備 - 樂園指南 及 樂園時間表

平時去 香港迪士尼樂園 玩，一入到去，最重要就係拎樂園指南同時間表啦！不過，啲設施都已經熟哂，所以最主要都只係拎黎儲...  但係，黎到一個陌生嘅樂園，一張樂園指南同埋一張樂園時間表就顯得特別重要啦！日文、英文、繁體中文嘅版本我都拎齊哂，咁就萬無一失啦！

因為呢排剛剛試完自製樂園指南，所以順便講下摺法。佢地同我地香港現時嘅版本一樣，都係六摺。不過六摺前仲要先對摺，可想而之，真係好大張，我當日成日都拎唔穩。但係，佢地單頁個尺寸係比我地細返少少嘅。

樂園指南上有兩個表，清楚列明邊間商店係賣邊一種商品，同埋邊個餐廳係賣邊一個類型嘅食物，真係好方便！

咦！佢地都有新野開喎！係 卡通城 Toon Town 嘅Goofy Paint & Play House，即係可以同 高飛 一齊畫畫？！

佢地嘅樂園時間表係有名稱嘅，叫做 Today，如貼切。日文版本係彩色印刷。佢地每個月先更新一次，呢期有 Daisy 做封面。

其中一面就係介紹 迪士尼奇幻復活節 特備活動有咩節目。啲圖好靚！

而另一面就係講返節目時間嘅，但係我都係一隻字都唔識睇。XD

所以就要拎返一份英文同埋一份繁體中文嘅黎睇啦！不過就係黑白印刷...

最後想講嘅，就係封底啦。以下係兩個主題樂園本樂園指南嘅封底。可以見到，佢地真係有好多贊助商！

好多遊樂設施都有贊助商贊助，入口招牌上亦有註明。之後繼續分享樂園事物嘅時候，再俾大家睇睇啦！