昨天試玩日，午餐我特登只係食咗啲小食，留肚黎一嘗呢個新園區嘅食物！去到下午4:30，衝咗去玩一次 灰熊山極速礦車 之後，我就黎到 幸運黃金石小食亭。
呢到賣嘅套餐全部都係一啲炸到好似黃金一樣嘅小食。每個餐會跟一支樽裝汽水，但因為我係唔飲汽水嘅，所以我叫咗個單點。我叫嘅係炸魚薯條，佢地用一張報紙造型筒裝住，我仲拎咗返屋企留念添！
有兩種醬汁提供，可以自己吱，分別係茄汁同埋他他醬。
個環境都唔錯，整得好有西部嘅氣氛，值得一讚！
食物都唔錯，好夠熱，個魚都幾好味，薯條就都返 火箭餐廳 嘅水準！除咗炸嘅野食之外，仲有沙律同埋一啲甜品可供選擇，等我下次再試下先！
沒有留言:
張貼留言