今日 灰熊山谷 開幕，一系列嘅樂園印刷品都為咗配合新園區而作出更新。當中，全新嘅樂園指南以 哥達 同埋 堅尼 做封面，灰熊山谷 亦由半透明正式轉做實色啦！
而原先介紹 灰熊山谷 嘅位置就換上兩幅實景照片。
而新嘅迪士尼渡假區美食指南就以 高飛 做封面主角，入面加咗 灰熊山谷 嘅食肆資料。入面亦有 哥達 同埋 堅尼 兩隻熊仔，哥達 更加被用黎遮住未開幕嘅 迷離莊園！
今期迪士尼渡假區美食指南入面更加有食品及飲品優惠卷附上。
另外，全新嘅安全提示指南亦已經登場，入面部份圖片同新推出嘅安全提示貼紙相同。
今日因為玩咗唔係好耐就要出返去，所以唔係拎咗好多貼紙咋！搵黎搵去都係已經擁有嘅貼紙，不過都好好彩，拎到以下兩張我未有嘅貼紙。
遲啲等我再入去樂園玩返轉，再努力啲搵貼紙先！
沒有留言:
張貼留言