奇妙處處通灰熊山谷禮物, 終於到手啦!

之前預演日冇禮物，都有少少唔開心...  好啦好啦，奇妙處處通 會員終於都有禮物收啦！今日我就好興奮地去咗換領！

呢個狂野趣味相架，只要入樂園去 奇妙處處通會員服務中心 就可以換到架啦！佢話濕少少水會有特別效果，隱藏圖案會出現喎！

好！咁就等我試下加少少水，睇下會發生咩事先！原來係原本白色嘅位置，變成藍色嘅水花啊！

另外嘅3D立體拼圖，就要先入去 灰熊山谷，上網玩一個實地找不同遊戲先可以換領。

其實我有少少唔捨得砌，因為一砌咗就冇得返轉頭...加上先前嘅 NanoBlock 事件令我有咗陰影...  我都驚驚地自己會砌錯或者砌得樣衰，係真嘅話就大件事啦！