灰熊山谷 最出名就係金。尋寶？就梗係尋金啦！不過又點會咁易就尋到金丫，而以下呢啲紀念品，就大家都可以擁有得到啦！
大家都知道我對熊仔係特別無法抵檔嘅！Duffy 啦，Pooh 啦，我已經俾佢地俘虜咗啦！而今次，我就俾 灰熊山谷 嘅呢隻 灰熊BB 吸引咗啦！佢嘅兩隻腳板上，就印有 灰熊山谷 標誌，以及 Grand Opening 字樣。
灰熊山谷 系列產品更加會有特別設計嘅價錢牌！
每一隻熊仔公仔，都會附上一本有關 灰熊山谷 嘅小故事圖冊 ( 咁似 Duffy 嘅！)。
我另外亦買咗一本簿同埋文件夾，因為我都有儲開筆記簿同埋文件夾嘅。
除咗預演日單張同埋響園區內派發嘅貼紙之外，最令我感到意外嘅係今個星期嘅樂園時間表，特別用上 灰熊山谷 標誌。
時間表入面，亦註明咗響 灰熊山谷 開幕後，反斗奇兵大本營 嘅遊樂設施唔需要再提早關閉，只係近 幻想世界 一邊嘅出口需要提早一小時關閉，而賓客就可以經 迷離莊園 通道離開。而家最令我期待嘅就係開幕當日嘅樂園指南，唔知會係點嘅樣呢？
沒有留言:
張貼留言