灰熊山谷 嘅重點遊樂設施，當然就係 灰熊山極速礦車 呢個過山車式嘅歷險啦！礦車嘅車軌橫跨整個園區，周圍都可以見到路軌嘅蹤影。
黎到入口啦，係一座紅色、充滿西部色彩嘅建築物。
呢邊就係礦車出發嘅地方，響歷險過程中，可以見到好多寫住「Shaft X」嘅標誌，係代表咗礦井嘅篇號，呢到就可以見到 Shaft 7。
呢個位仲可以見到一啲礦車佈置。
好啦，等我入去裡面，準備體驗掘金之旅先！
先睇下單人乘客嘅等待區先。有一啲運木車同埋鋸木工具。
單人乘客嗰邊唔係太多野睇，所以都係返返去一般等待區嗰邊啦！如果多人的話，就會用上呢啲戶外嘅等待區。
一入到屋入面，就會見到有好多大小不一嘅貨箱。
呢到亦放咗一個 Shaft 1 招牌黎紀念以前嘅一號礦井。
周圍嘅物品都印有 灰熊山採礦公司 嘅標誌。
之後就黎到一間工作室，有書桌同埋一大堆文件。
旁邊就有暖爐同埋狗仔 Lucky 嘅水兜同埋佢咬嘅骨頭。
之後就去到鋸木廠啦，亦即係單人乘客等待區見到嗰啲野。不過頭先啲相就係響戶外影，以下呢啲就係響室內影嘅。
入面有好多鋸木工具，我見到都唔知係咩黎。=_=
亦有一啲鋸木後嘅製成品，例如木條、車輪等等。
睇下上面掛住幾大條樹幹！好快，佢就會分割成不同的木製品！
呢到仲有一啲油漆，可以用黎幫啲木製品上色。
呢到亦可以望到剛才響出面見到嘅鋸木機器。
繼續向前行，黎到一間小型實驗室，有好多化學品同埋實驗工具。
呢到仲有一個槽，下面更加會有礦車經過！可能呢個就係一般礦工嘅入口。但係我地呢啲新礦工就要繼續行，去特別入口上礦車啦！
窗外可以望到一架又一架嘅礦車出發去尋金，好快就到我啦...
就到上車嘅地方啦！好緊張啊！
黎到上礦車嘅月台，發現一部蒸汽機，唔知有咩用呢？
上車啦！尋金之旅正式開始！
尋金過後，出口位置都有一啲佈置。
俾我發現有礦工好值得嘉許！識得廢物利用，用食完嘅罐頭黎裝工具！
假如你怕刺激，唔太想玩 灰熊山極速礦車 的話，亦都可以用另一個方法去體驗當中嘅故事。因為響 灰熊山谷 唔同嘅位置，都可以睇到礦車會經過嘅部份場景。第一個場景就係礦車墜落倒後行嘅位置，礦車會慢慢由蒸汽機拉上山頂。
點知，條鋼索突然斷裂，礦車隨即向後倒退！
而另一個場景就係火藥礦井。礦井入口掛上咗兩個警告牌。
而旁邊亦放咗好多炸藥響到。可想而知，呢到係幾咁危險！一列礦車倒行進入礦井，井內發生意想不到嘅事，引發爆炸，令礦車再度向前飛奔！
我覺得呢個過山車嘅刺激度係恰到好處，如果你係一個追求刺激嘅人，佢就未必能夠滿足到你啦... 但黎 迪士尼樂園 玩，講究嘅係主題同埋故事。而呢個過山車就充滿表現出一個完美嘅獨特故事。不得不提及嘅係，如果有機會，記得試下坐最後排，玩得過山車多嘅人會知道最後排係會最激，但我提議大家坐後排嘅原因唔係呢個，而係當礦車倒後行嘅時候，背後會超大風，好過癮！
當日有幸乘坐整個試玩時段嘅第一班礦車。歷險過後，礦車返到去車站。所有乘客、演藝人員都一齊拍手，響呢一刻，我覺得好感動... 唔知，今個星期六開幕嗰日，我又有冇機會再次體驗呢種令人感到嘅時刻呢...？
沒有留言:
張貼留言