東京迪士尼之旅2012 - 旅程日誌
Day 8 日期：6月14日 (星期四)、地點：Tokyo Skytree
黎到旅行嘅最後一日啦，真係有啲唔捨得...
同之前第二日一樣，去咗食牛肉飯做早餐！再加溫泉蛋！
呢碗牛肉飯同平時有啲唔同，有豆腐同粉絲。
是日飲品：午後之紅茶 奶茶。
搭地鐵去 Tokyo Skytree！
之後要再轉一轉車，響車站內都可以見到 Skytree 嘅廣告。
終於黎到 Tokyo Skytree 站啦！都幾多人...
呢個 東京晴空塔 真係好高好靚啊！
我地冇上去個塔到，只係響下面嘅商場行下。一入到商場，就見到有 NanoBlock 嘅鋪頭，我響呢到買咗盒積木，亦即係我之前砌咗好耐都冇咩進度嗰個...
繼續行商場，食咗一個牛奶軟雪糕。
其中一間比較特別嘅係一間食品模型店。啲模型都幾逼真！鋪頭招牌嘅周圍都掛滿唔同嘅食品模型。
之後響 Loft 買咗個小背包俾 Duffy，同埋一啲文具。
一間服飾店出面放咗一隻北極熊，好搞笑！
響商場望出去，全部都係一棟棟嘅大廈，果然係大都會。
行完商場，就坐返地鐵返酒店，拎返啲行李同埋食午餐。
酒店入面有間細細地嘅意大利餐廳，都唔算貴，所以我地就試下。我地叫咗薄餅、長通粉同埋意粉，都幾好味。
要去機場搭飛機啦！唉... 點解時間好似過得好快咁嘅...
沒有留言:
張貼留言