真係黎到最後一篇關於 日本迪士尼之旅2012 嘅文章啦，我亦特別安排最後一篇先講紀念幣。因為睇返每一個紀念幣，就可以記返起響 東京迪士尼渡假區 見過嘅野，可以話係一個小回顧...
不過正式講紀念幣之前，同大家分享一下響 東京迪士尼海洋 買返黎嘅 奇妙紀念幣收藏簿 先啦！
同樣係用咗 米奇和Duffy的春日巡航 活動圖片黎設計，至於背面就係 藍色行李箱。
呢本收藏簿可以放到30個 奇妙紀念幣，不過我響整個渡假區入面只係整咗26個啫。
唔知大家有冇響 香港迪士尼樂園 買過呢一種收藏簿呢？有的話，應該會知道收藏簿會附送貼紙。呢啲貼紙嘅作用係俾你寫上每一個 奇妙紀念幣 嘅名稱，之後再貼上去；呢一本都有呢種貼紙。
另外，亦附上 米奇和Duffy的春日巡航 特別版 東京迪士尼海洋 地圖，樂園內冇得免費拎架！
地圖上顯示咗整個樂園內所有關於 Duffy 嘅景點，可以話係為 Duffy 粉絲貼身設計！
好啦，講返呢篇文章嘅主角，奇妙紀念幣。我特別Scan哂每一個紀念幣，俾大家可以睇得清楚啲！呢26個 奇妙紀念幣，分別係響 東京迪士尼樂園、東京迪士尼海洋 以及 迪士尼渡假區線 整嘅。
1) 東京迪士尼樂園 - 世界市集 - 便士拱廊 - 米奇
2) 東京迪士尼樂園 - 夢想樂園 - 小熊維尼獵蜜記 - 小熊維尼 & Pignet
3) 東京迪士尼樂園 - 探險樂園 - 提基神殿 - 史迪仔
4) 東京迪士尼樂園 - 明日樂園 - 巴斯光年星際歷險 - 綠色小人
5) 東京迪士尼樂園 - 明日樂園 - 怪獸公司迷藏巡遊車 - 阿Boo
6) 東京迪士尼樂園 - 明日樂園 - 怪獸公司迷藏巡遊車 - 大眼仔米高
7) 東京迪士尼樂園 - 西部樂園 - 巨雷山 - 唐老鴨
8) 東京迪士尼樂園 - 西部樂園 - 巨雷山 - 米奇
9) 東京迪士尼樂園 - 卡通城 - 奇奇帝帝橡樹屋 - 鋼牙奇奇 & 大鼻帝帝
10) 東京迪士尼樂園 - 迪士尼復活節奇幻世界 - 米奇
11) 東京迪士尼樂園 - 樂園開幕二十九週年紀念 - 米奇 & 米妮
( 突然有感而發... 唔知道當我地等到 香港迪士尼樂園 29週年，同而家會有咩唔同呢？)
12) 東京迪士尼海洋 - 地中海港灣 - 海岸廣場 - 皮諾丘
13) 東京迪士尼海洋 - 神秘島 - 海底兩萬哩 - 米奇
14) 東京迪士尼海洋 - 美人魚礁湖 - 海底王國 - Mo仔 & Squirt
15) 東京迪士尼海洋 - 阿拉伯海岸 - 茉莉公主的飛天魔毯 - 阿拉丁 & 茉莉公主
16) 東京迪士尼海洋 - 失落河三魚洲 - 水晶骷髏頭魔宮 - 史迪仔
17) 東京迪士尼海洋 - 晚間水上表演 Fantasmic! - 魔法師米奇
( 雖然冇睇到，但係呢個紀念幣有我最愛嘅米奇魔法師造型喎！點可以唔整！)
18) 東京迪士尼海洋 - 美國海濱 - CapeCod 漁村 - Duffy
19) 東京迪士尼海洋 - 美國海濱 - CapeCod 漁村 - ShellieMay
20) 東京迪士尼海洋 - 米奇和Duffy的春日巡航 - 米奇 & Duffy
21) 東京迪士尼海洋 - 米奇和Duffy的春日巡航 - 米妮 & ShellieMay
22) 東京迪士尼海洋 - 米奇和Duffy的春日巡航 - Duffy & ShellieMay & 燈神
23) 迪士尼渡假區線 - 東京迪士尼樂園 車站
24) 迪士尼渡假區線 - 東京迪士尼海洋 車站
25) 迪士尼渡假區線 - 迪士尼渡假區正門 車站
26) 迪士尼渡假區線 - 海濱 車站
日本迪士尼之旅2012 呢幾個分類最後都完滿落幕啦... 好多謝各位朋友由我出發前一直睇到而家... 整個旅程唯一有啲失落嘅，始終都係唔夠時間玩 東京迪士尼海洋，錯過咗好多野... 不過整體黎講，今次係一次好難忘嘅體驗，亦係我懂事後第一次去到外地嘅 迪士尼主題公園。今次唔止係去玩，同時係去增廣建聞；而作為一位迪士尼Fans，亦令我更加深入了解 迪士尼 文化。
響 東京迪士尼渡假區 入面，我見識到好多野，體驗咗好多野；不過講到最特別呢... 就係第一次嘗試響外地自己一個人玩，一個人響 東京迪士尼樂園 入面同 Duffy 佢地玩咗一整天。
而家我已經心郁郁，想再去啦！>_< 我而家諗緊，過多兩三年後再嘗試自己一個人去旅行！其實我好著數，生日嗰日玩完之後留多一晚，9月4日，又可以加入 東京迪士尼海洋 週年慶典！咁就一次過可以體驗兩種不平凡嘅經歷！不過而家我首先要做嘅係，就係努力儲錢同學日文！( 學日文係非常重要嘅任務，學完嘅話就唔會再唔知佢講咩 =_= 咁先可以更加投入每一個故事！)
雖然唔知係幾耐之後，不過都期待未來能夠響呢個Blog再次同大家分享另一次 日本迪士尼之旅！
沒有留言:
張貼留言