驚喜一浪接一浪! 多姿多彩的一星期!

原本呢，今日就想創作一個小故事，又或畫一幅圖同大家分享...  不過諗諗下，之後幾日，星期四至星期六都冇野做，唔需要咁急丫，過多日先搞都得啦！點知，今晚接近十點，終於收到電話，叫我聽日中午十二點去集合，參加迎新營！之前報咗名，但一直都收唔到通知，所以就以為係滿咗額！今晚突然知道有得玩，好興奮啊！

雖然係一個突如其來嘅驚喜，不過問題出現啦...  就係呢幾日都冇時間寫Blog...  聽日去到星期六去Camp，之後星期日就去住迪士尼酒店，星期一又會玩到好夜先返屋企...  咁嘅話，計埋今日，咪會有足足六日冇新文章？！為免大家白等，所以特別響到同大家講聲先...

其實我原先係預定咗今個星期六或者日，趁住係九月頭，同大家分享一樣野...  希望我會有時間準備啦！但係如果呢幾日真係冇新文章出現的話，請大家見諒！>_<