東京迪士尼海洋 出品嘅 Duffy 服飾，出咗名靚、仔細，仲有每一套都有好多佩件。呢一次我就買咗兩套俾 Duffy 佢地，其中一套就係 米奇和Duffy的春日巡航 嘅主題服飾！
每套 Duffy 服飾都會附上一個小衣架，呢一套入面就附有 春日巡航 特別版衣架。
呢套衫，其實之前講到 春日Duffy 嘅時候已經介紹過，不過呢套俾 大Duffy 著嘅套裝就有少少唔同。不如就由頭開始講，慢慢講到落腳啦！呢頂帽係農夫帽咁嘅質地，仲有一條印有「D」字嘅絲帶。
至於件衫呢，就係織出黎嘅；有一條條嘅花紋，做工都好細膩架！上面又有一個「D」字徽章。
呢條褲，之前嘅 小春日Duffy 係冇嘅；亮綠色嘅褲，好有春日氣息，果然配合主題！
香港迪士尼樂園 同埋其他 迪士尼主題公園 賣嘅 Duffy 服飾，通常都比較簡單，只係得帽同埋衫。而呢邊所賣嘅每一套服飾，就有齊衫、褲、鞋、帽，呢對春日鞋子，大家記唔記得響邊到見過呢？Duffy 響 春日巡航 官方活動圖片中係冇著鞋嘅，呢對鞋其實係 米奇 架，響表演中可以見佢著住。
對鞋嘅底部，一邊就係 Duffy 腳印圖型，另一邊就有 米奇和Duffy的春日巡航 活動標誌。
今次請來新嘅 大Duffy 黎做模特兒；佢著起哂整套服飾，大家覺得佢靚唔靚仔呢？:)
沒有留言:
張貼留言