米奇和Duffy的春日巡航 活動，除咗有特別表演、商品之外，仲有咩賣點呢？東京迪士尼樂園 復活節活動就有一個尋蛋小遊戲，樂園周圍都放咗一隻隻嘅復活蛋；至於 東京迪士尼海洋 呢邊，就有 Duffy 春日園藝佈置！不過就冇尋寶小遊戲，只係俾大家欣賞。大概可以分成兩種佈置，一種就係用花瓣製成嘅迪士尼朋友造型裝飾，另外就有一啲小盆栽。
其實今次春日巡航活動主要都係響 美國海濱、地中海港灣、阿拉伯海岸 三個園區內進行。所以呢啲裝飾都遍佈響呢三個園區入面，特別係 CapeCod 區域，作為 Duffy 基地，當然特別多！
響 地中海港灣 嘅樂園正門，就已經有啲用花瓣整成嘅招牌歡迎我地！
美國海濱 入面嘅商店櫥窗都可以見到花瓣 Duffy 造型裝飾，佢響到揮手，向我地打招呼喎！
至於 地中海港灣，燈神 坐咗響噴水池上面，佢手上仲有一隻 Duffy 添！
其實大家應該留意到，每一隻 Duffy 造型裝飾嘅頸上都有一個玻璃瓶掛飾，呢一隻都唔例外。( 我仲未講到呢個 玻璃瓶掛飾 有咩特別意義添... 放心放心，我下次就會講呢個故事架啦！)
周圍亦有好多盆栽佈置，盆栽上插有 米奇和Duffy的春日巡航 活動招牌，而啲花都幾靚架！
返到去 CapeCod，就有更多得意嘅小裝飾。剩係響不同小屋嘅門外，就可以見到好多佈置。
欄杆上，亦有 Duffy 造型木板、告示版、鐵筒盆栽；我覺得個 Duffy 鐵筒設計得好趣緻啊！
除咗鐵筒之外，仲有 Duffy 木筒盆栽；你地覺得鐵筒定係木筒得意啲呢？
之後有 Duffy 花車以及 Duffy 花牌，呢到更加有一對 Duffy 同埋 ShellieMay 響到添！
呢啲園藝裝飾令到整個樂園都變得更加有春日氣息！好開心能夠參加呢個 Duffy 春日活動啊！
沒有留言:
張貼留言