迪士尼其中一個傳統就係儲 迪士尼徽章 啦，但其實我咁耐以黎都冇呢個習慣... 我一直都只係擁有兩枚徽章，一枚係限量版畫框 Pooh，我放咗響枱頭當做小擺設；至於另一枚就係 Duffy Passport套裝附送嘅徽章，係一隻著住水手裝揮手嘅 Duffy。
但係昨日響樂園入面突然間心血來潮，就毅然決定開始儲下 迪士尼徽章 啦。要儲徽章，不可缺少嘅就係掛帶啦，原來 全年通行證 同埋 奇妙處處通 都送咗好多條俾我；不過我當然係用返我最愛嘅 Duffy 掛帶啦！佢終於都發揮到佢嘅實際用途啦！哈哈！
講到我突然儲徽章原因，就同呢枚限量版 小熊維尼音樂徽章 有關。呢個音樂徽章，我見佢幾靚，仲會播放我鍾意嘅 小小世界 音樂，所以我就想買咗佢... 但係就要買300蚊野先可以用優惠價75蚊換，我諗唔到買咩好，諗諗下就忽發奇想，決定買徽章！
除咗以上嘅音樂徽章之外，我仲一次過買咗八個徽章！其中一個係以 Pooh 做主題嘅。
我知道部分徽章係所有 迪士尼主題公園 都有得賣，所以響揀徽章嘅時候，我都特別留意到呢點。我突登揀啲香港獨有嘅徽章，揀咗 灰熊山谷 同埋 反斗奇兵大本營 主題徽章。
香港迪士尼樂園 七週年，對我黎講特別有意義，梗係要買返個用黎紀念一下啦！
我仲買咗兩枚 米奇 徽章，一枚係用作鞋型設計，另一枚就係 米奇 造型，但原來我冇影到。 =_= 等我放好哂佢地響條掛帶上面先！音樂徽章太重啦，唔方便掛起佢，而家都係用黎做小擺設。
啲徽章好似放得好密！XD 下次就可以戴起呢條屬於我自己嘅個人化徽章掛帶入樂園玩啦！
沒有留言:
張貼留言