又打風啦！唔知今日有冇網友入咗樂園玩呢？我就知道有一位朋友今日入咗樂園玩。而家三號風球，所有室外遊樂設施都要暫停開放，但大家都可以趁機會欣賞下樂園嘅另一種美。記得六月時有一次又係入樂園玩時咁啱撞上打風，所以我就響樂園入面行黎行去；能夠睇到樂園同平時唔同嘅樣子，都係一個好特別嘅體驗黎架！
剛剛發表篇文章就同大家講過春日巡航嘅 水手布袋，但其實呢個 水手袋 仲有推出造型背包架！園方就建議用呢個袋黎裝住 Duffy 周圍去，買呢個袋嘅時候仲裝住一塊 Duffy 紙板；不過其實冇咗隻 Duffy，個袋都已經夠哂靚，用黎裝其他野的話，都唔錯架！
呢個水手袋上又係有好多不同嘅布章，當然都有 Duffy 啦！連個拉鍊扣都係 Duffy 黎架！
袋上亦掛有一個行李牌，係用作 Duffy 頭型黎設計嘅，上面亦印有 Duffy迪士尼小熊 標誌。
袋上都有一個 米奇和Duffy的春日巡航 版本嘅 Duffy迪士尼小熊招牌。
人地就叫我放一隻落去，我就好貪心，一次過放哂兩隻 大Duffy 落去，哈哈！
雖然呢個袋同上次嘅藍色行李箱袋，本身都係預你拎出街用，不過我就應該就唔會啦... 而家呢兩個袋都係放咗響屋企嘅 Duffy 專櫃，專門用黎裝起哂所有 Duffy 嘅衫仔！XD
沒有留言:
張貼留言