之前俾大家睇過藍色行李箱，其實今次 米奇和Duffy的春日巡航 仲有另一款袋架，就係水手袋啦！呢一隻春日裝嘅 掛飾Duffy，就係坐咗響一個迷你嘅水手造型袋啦！
仲可以將隻掛飾 Duffy 響個水手袋入面拎出黎架！好可愛啊！
其實呢隻掛飾 Duffy 嘅尺寸同之前嘅電話繩 Duffy 係一樣嘅，唔同嘅只係佢著咗春日裝。
呢個 Duffy 掛飾係掛繩套裝嘅一部份，有一條掛繩俾你掛住隻 Duffy。條掛繩上面亦印有 米奇和Duffy的春日巡航 活動標誌以及一啲國旗圖案。
不過我覺得最得意嘅，就係呢個 Duffy 頭型掛圈！仲有一頂春日帽子響頭上面！
而家我就擁有兩條 Duffy 嘅掛繩，呢一條就係之前響香港買嘅 Passport套裝 嗰到附上嘅；不過我就鍾意春日巡航呢一款掛繩多啲啦，唔知您又點睇呢？
沒有留言:
張貼留言