經過之前 第一回 嘅不斷砌不斷散，以及 第二回 嘅終極武器Bluetape，我終於都開始慢慢上手。今日冇咩做，所以唔再拖延啦！一於砌埋呢個 Tokyo Skytree NanoBlock 佢啦！我今日分咗兩個時段砌，同之前一樣，每個時段都係一個半小時；第一個時段大約係早上10點。
進度漸入佳境，只係過咗半個鐘，已經高咗好多。但我嫌最底個幾塊綠色積木阻住我，所以暫時拆咗落黎，再砌高啲之後先砌返落去。
再過多半個鐘，又再高咗！比起一開始，進度真係快咗好多！
轉眼間就砌咗個半鐘啦，除咗高咗之外，可以見到三條支柱之間嘅距離都縮窄咗。
去到呢一刻，我諗都已經砌咗個塔嘅一半高度啦，不過整體進度就已經去到三份之二；因為最高嗰到係一支通訊發射塔，唔太難砌，最麻煩都係底下個塔嘅結構。
聚精會神咁砌咗個半鐘，係時候暫停一下啦。原本諗住第二日先再完成佢，但食完午飯後，冇咩好做，又唔係太累，所以又再開始。
都係不斷慢慢咁起上攀升，睇黎就到頂啦，好興奮啊！
但今次都唔係咁順利架，接近通訊發射塔嗰到比較複雜，亦都再次出現散返開嘅情況；所以響下午2:15至2:45嘅呢個時段，砌得比較辛苦，冇咩大進展。
但係掌握到竅門之後，就冇再遇到咩大問題，所以正式開始砌最頂嘅通訊發射塔！
最後，又係開始咗個半鐘，去到3:45，終於砌完整個通訊發射塔啦！
隆重嘅完工儀式！將通訊發射塔砌返落原本個塔上面，整個 Tokyo Skytree 正式完成！響最底嗰到，仲加咗幾棵樹響到添！
估唔到砌完之後，都幾高喎！而家就放咗響我嘅工作枱上，都係遠觀而不可褻玩，廢時又散開！
沒有留言:
張貼留言