雖然生日嗰日買唔到 Duffy Vinylmation，不過好彩都仲有呢隻 萬聖節Duffy 補返數。同 愛神Duffy、春日Duffy 一樣，佢嘅大小係我所稱嘅 小Duffy，而件衫亦都係除唔到出黎嘅。佢已經係我地 Duffy家族 嘅第11位成員啦！咦！咁Blog標題圖片咪已經過期？又係時候整過張啦！
件衫個款式同上年買俾 大Duffy 嘅嗰套服裝係一樣嘅，都係有帽同埋上衣，不過佢仲多一個袋仔。
同所有 Duffy小熊 毛公仔產品一樣，呢隻熊仔亦附上一本 Duffy 故事冊，但係今次冇咗個膠套喎！
雖然同 愛神Duffy、春日Duffy 同樣屬於係 小Duffy，但事實上，萬聖節Duffy 係細隻啲嘅。
身為哥哥嘅 大Duffy，亦特別換返件南瓜造型服，同呢位新弟弟影返張合照！
唔知點解，今次響貨架上嘅每一隻 Duffy，做工都好似爭咁啲... 我揀咗好耐先揀到呢隻架！
除咗呢隻 Duffy 之外，其他 迪士尼黑色世界2012 嘅商品都已經上架啦！銀包又要準備大出血啦...
之前講過話有啲商品好似年年都係差唔多款式，不過暫時都見到有啲係新貨品黎嘅！最緊要係到時拎返本商品目錄，睇下邊啲買過，邊啲係新出嘅，咁就萬無一失啦！;)
沒有留言:
張貼留言