上次響開售日第二日竟然買唔到 Duffy Vinylmation 模型，我就懷著不快嘅心情寫咗篇評論文章。昨日入到去嘅時候，我第一時間就去睇下有冇貨；好彩，隔咗咁多日，佢地應該入好貨啦... 我終於都響 徽章及Vinylmation交換站 買到呢兩隻 Duffy迪士尼小熊 Vinylmation 模型啦！
普遍人都覺得水手裝係靚啲 ( 因為絨毛款存貨多好多 =_= )，但我就覺得兩款都有各自嘅特點！
Duffy 除咗有 米奇 圖案臉型，以及特別嘅腳印之外，仲有啲咩標記呢？相信大家都一定知道！就係背後都有一個 米奇 圖案！絨毛款就俾啲毛蓋過變成半透明，而水手裝就俾件衫遮咗一半。
連個盒都好靚！兩邊就印有 Duffy 臉孔，背面就有一段 Duffy迪士尼小熊 嘅小介紹。
樂園現正推出3吋 Vinylmation 買一送一優惠，買一隻就可以獲得另一款指定模型一隻！我買咗兩款 Duffy 模型，就獲得呢兩款蛋糕型嘅 Vinylmation。
我本身覺得呢兩款唔太靚，但係當我知道係可以拎舊雪糕出黎嘅時候，即時覺得有趣好多！拎起舊雪糕之後，就分別變咗做 米奇 同埋 奇妙仙子。
唔知大家有冇儲 Vinylmation 嘅嗜好呢？驟眼睇，Vinylmation 好似仲未入流... ( 唔多覺有人換... ) 我就覺得儲 迪士尼徽章 都已經好足夠，真係只有 Duffy 呢啲特別設計嘅款式先會吸引到我買...
沒有留言:
張貼留言