今日係2012年9月12日，再一次係 香港迪士尼樂園 嘅大日子啊，因為佢今日生日啊！估唔到話咁快就已經渡過咗七年嘅歲月，時間真係過得好快... 呢七年間，樂園經歷過不同變化，不過講到最深刻嘅，當然就係呢一年先後有兩個新園區開幕啦！
雖然買咗 全年通行證，照計我係可以每年嘅週年紀念日都入去樂園玩，不過我以往就冇特別入去。如果嗰日係星期六日的話，我以前張證係入唔到去嘅；如果係平日，就要返學，爸媽唔會批准。所以我咁多年黎只係上年六週年入過去。 ( 我仲好記得，上年9月12日係中秋節添！) 好彩我今日得上半日有堂，上完堂就可以衝去樂園，同佢一齊慶祝呢個大日子！
不過點都好，七週年係一件好值得我地開心嘅事，特別係因為呢個樂園俾咗我多奇妙嘅體驗我地！祝佢生日快樂嘅同時，亦希望佢會繼續進步，繼續為不同嘅賓客、演藝人員提供不平凡經歷！
沒有留言:
張貼留言