無論係響 香港迪士尼樂園酒店 定係 迪士尼好萊塢酒店，都有一個泳池嘅。既然黎到入住一晚，我都唔會錯過機會，響食晚飯之前，響泳池游咗一陣水...
當我游完水之後，就著返衫諗住返上房啦；點知，意想不到嘅事就響呢一刻發生！
高飛 著住一身渡假裝，突然出黎同大家見面啊！睇下佢，搖搖腳，訓響躺椅上面，幾嘆啊！
上房沖完個涼，就落返黎等開餐啦！趁有少少時間，響開餐前又出返黎泳池睇下夜景。
夜晚冇咩人，可以清楚見到呢個鋼琴型泳池嘅池底有啲琴鍵嘅圖案。
再睇睇下，呢條滑水梯周圍啲石又整得幾似 灰熊山 喎！唔知你地覺唔覺呢？定係我想像力太豐富？但係呢間酒店響決定擴建 灰熊山谷 之前就已經建成啦喎，唔通早有預定？可能我諗多咗啦...
講完泳池，下次就會同大家分享花園、大堂，以及房間，我影咗好多相返黎呢！XD
沒有留言:
張貼留言