迪士尼黑色世界2012 終於響10月4日無聲無色地開始咗... 點解話佢無聲無色呢？因為通常每個特備活動嘅第一日都係媒體預覽日，會有啲類似啟動儀式咁嘅環節。但可能因為預覽日一早就已經響9月進行咗，所以10月4日當日都冇咩特別，靜靜地正式開始咗。
呢一日同我9月29日去試玩差唔多，氣氛依然都係好好；惟一唔同嘅，人好似多咗喎！A_A 咁係唔係要祝賀一下樂園今次宣傳成功呢？接著來黎仲有成個月，繼續加油！
隨著黑色世界活動正式開始，園內不同事物作出更新；其中，活動指南、時間表經已換上新封面！
黑色聯盟報到中心 亦都正式開放啦！位置係響 動畫藝術廊，門口都新增咗招牌、海報等嘅佈置。
只要響 黑色聯盟戰 獲得50000黑色力量或以上，就可以黎呢到同 殭屍詭姬 或者 狼人戰臣 私會！不過因為我唔係用自己部電話玩，當日入去樂園嘅時候，部電話唔響身，所以就冇得體驗... 遲啲搵一次叫媽媽借佢部機俾我用一日，我拎入黎樂園玩！仲可以順便追蹤埋園內嘅黑色印記！
而 動畫藝術廊 旁邊嘅 動畫藝術教室，響黑色世界活動期間會教大家畫 Jack 同埋 Zero 啊！
至於 阿積炸雞漢堡套餐 亦都再次返黎啦！我上年都食過幾次，當日我都即刻去咗 火箭餐廳 食！
由即日至10月28日，逄星期四至日，以及萬聖節10月31日，都會有 迪士尼黑色世界2012 活動。真係唔知道，我響呢個月裡面究竟會入去幾多次呢？因為我實在太鍾意黑色世界活動啦！>_<
沒有留言:
張貼留言