個人化造型名牌 - Duffy又有新飾物!

星期四入去嘅時候又買多咗一個名牌，今次就係整俾 Duffy，俾佢地戴起佢做飾物嘅。一開頭睇幅圖嗰陣真係覺得唔係太靚，諗住買一個就算；而家愈買愈多，可能因為實物靚啲啦。好啦！下次同佢地入樂園玩，同埋帶佢地去美國玩嘅時候，就俾佢地戴住呢個名牌啦！

---

2012年10月1日

星期六終於買咗個人化名牌啦！實物靚過睇相！搞到我忍唔住買多個 Winnie the Pooh...  而家諗諗下，我應該整返個「Duffy」，俾佢地用黎做飾物，下次帶佢地入園嘅時候俾佢地戴住！( 唓！好似有人話過買一個就夠，買多一個就算啦，咁點解而家會愈買愈多嘅？！XD)

---

2012年9月29日 

上一次就講到我嘅夢想之路需要暫時停一停，因為我個時間表未能允許我申請做兼職演藝人員...  昨日，樂園嘅Facebook專頁又上傳咗一張商品宣傳圖，今次推銷嘅係個人化演藝人員造型名牌！可能因為需要清楚地同真正嘅演藝人員名牌作出區分，所以啲款式都幾「與別不同」...  其實，響呢個時候，樂園推出呢個咁得意嘅飾物，對我黎講，有更特別嘅感覺...  成為演藝人員係我嘅夢想，但係就因為種種原因需要延遲。而呢個飾物就可以俾我暫時幻想住先...  不過我始終都想戴起一個真正嘅演藝人員名牌，實現自己嘅夢想，而唔係單單響腦入面幻想...