樂園再次推出全新Duffy產品! 米奇耳朵造型帽子!

昨日又入樂園玩黑色世界，不過入到去嘅首項任務，就梗係要買咗呢頂 Duffy 帽先啦！玩咗大半日，返到屋企，俾 Duffy家族 佢地試下戴頂帽啦！第一個試嘅係 小Duffy。咦，唔多啱戴喎，頂帽太大，仲遮住咗佢對眼添！不過佢咁嘅樣我覺得好可愛啊！哈哈！

既然佢唔啱戴，就搵下一隻大啲架啦！大Duffy 戴起上黎好啲，冇遮住對眼，不過頂帽都係大...

繼續搵下一隻啦！來自東京嘅 大Duffy，大隻少少，但其實唔係差好遠，頂帽好似都唔多啱佢喎！

咁無計啦！要出動 巨大Duffy 啦！佢個頭咁大 ( 仲大過我個頭 =_= )，頂帽終於都啱戴啦！

昨日響貨架上面見到都有好多存貨，相信應該唔會再出現上次 Vinylmation 嘅缺貨情況。

呢頂帽有毛絨設計，真係好得意！各位好似我咁嘅 Duffy 粉絲，唔知你地有冇興趣買返頂呢？

---

2012年10月10日

嘩！樂園又再推出全新 Duffy 產品啦！今次係一頂好靚嘅 米奇耳仔造型帽！好可愛啊！響到要多謝一位網友，佢之前響呢個Blog見到我下年會去美國迪士尼，就同我分享咗佢嘅經歷。而今日當佢入樂園玩嘅時候，響樂園入面發現出咗呢款新嘅 Duffy迪士尼小熊 商品；因為佢知道我係 Duffy 嘅超級粉絲，就即刻話咗話俾我知，仲影埋相俾我睇，真係要多謝佢！

真係好彩！因為我原本都諗緊聽日入一入去樂園，玩黑色世界！( 果然係入得好密 0_0 ) 咁我聽日就可以順便買埋呢頂 Duffy 帽俾自己，當然我都會俾 Duffy家族 佢地戴下啦！

呢頂帽我之前又係響 Duffy 嘅官方Facebook專頁見過，但係香港呢邊就一直都冇推出；所以我初頭就諗住同 Duffy Vinylmation模型 一樣啦，響下年去美國迪士尼玩嘅時候先買。點知，香港呢邊又慢慢推出呢啲咁可愛嘅 Duffy 產品！真係好！可以咁快就響香港買到！唔知園方係唔係留意到 Duffy 響香港都開始累積到人氣，所以就開始入多啲 Duffy 相關產品。係嘅話就真係抵讚，亦都值得慶賀一番！希望未來可以響樂園入面見到更多 Duffy 產品啦！