Happy Halloween! 殭屍黨戰勝, 攻陷Tho's Dreams!

萬聖節到啦！本身諗過今晚入去樂園玩埋最後一晚 迪士尼黑色世界2012，不過諗諗下都係算啦...  黎到中午12:00，《黑色力量》故事最終章要發表啦！結果係 殭屍黨 獲得較多嘅黑色力量！配合返故事結局，呢個Blog亦已經被 殭屍黨 攻陷，換上以蝙蝠為題嘅全新標題圖片及背景圖片！大家記唔記得圖中雙眼發光蝙蝠響邊一個章節出現過呢？就係響第五章，領袖生入咗去石屋之後！

支持 狼人族 嘅朋友都唔需要唔開心，我亦送上原先整好咗嘅 狼人族 標題圖片俾大家睇下啦！最終章 已經發表咗，而家可以去睇架啦，希望大家會鍾意啦！同時亦祝各位萬聖節快樂！