除咗 反斗奇兵大本營 之外，今日更加係兩位著名 迪士尼朋友 ─ 米奇、米妮 嘅生日啊！佢地兩位係響1928年嘅今日首次登上大銀幕！八十四個年頭就咁就過去，響到祝佢地生日快樂！
回想過去，而家整個 迪士尼 嘅業務，無論係主題公園、電影等等，全部都係由呢兩隻老鼠開始。佢地兩位更加成為世界上最受歡迎嘅卡通人物，響八十四年間亦都試過以不同嘅造型出現；之前響暑假前，園方就用過各種 米奇 嘅造型黎做樂園時間表嘅封面，就等我地趁今日懷念一下！
其實幾年前我都響樂園入面買過一盒曲奇餅，個包裝盒上面都係印有各 種米奇 嘅造型架！
星期四響樂園我亦買咗兩樣 米奇 嘅產品，當係同佢慶祝生日！( 真係個「好」藉口俾自己買野... )
第一樣商品係一個iPhone保護殼，都設計得幾靚；上面有不同 米奇 造型，亦有1928年嘅字樣。
睇開Tho'sDreams嘅朋友都應該知道我係特別鍾意魔法師造型嘅 米奇，我今次又買咗一隻！唔知點解佢地用咗 魔法師米奇 黎做2013年嘅主角，出咗好幾款商品，包括之前嘅個人化名牌。
呢隻 魔法師米奇 嘅兩隻腳板上分別寫有2013以及「BEL13VE IN MAGIC」嘅字樣，配合返主題。
相信大家都留意到，其實呢隻 魔法師米奇 嘅服飾同原裝版本嘅 魔法師米奇 係有少少出入嘅；佢頂魔法帽冇咗星星、月亮圖案，取而代之嘅係一點一點嘅閃粉，件衫上面都有架，好靚！
同時間，件衫亦有一啲圖案：有2013年圖案之外，仲有各位 米奇家族 迪士尼朋友 嘅圖案！
以下就係我屋企嘅所有 米奇 啦！估唔到我總共都有八隻 米奇 咁多喎！仲要每一隻都唔同造型架！
再次祝兩位 迪士尼 大明星生日快樂！之後好快就輪到我嘅 Duffy家族 過生日啦，一定要好好慶祝！
沒有留言:
張貼留言