傳聞中的世界末日來臨了...

2012年12月21日來臨了...  傳聞話，呢一日將會係末日，世界將會終結，人類將會滅亡...  唔知大家信唔信呢個傳聞呢？我好似係響中二嘅時候第一次聽呢個傳聞，當時真係有啲擔心...  但日子一日一日咁過，我並沒每一日都擔驚受怕；相反，我覺得呢個傳聞只係俾傳媒過於吹捧。

你有冇諗過，如果真係世界末日，會係變成點樣嘅呢？世界變得黑暗，再睇唔到任何光芒？響我自己嘅心入面，其實我有一次，真係覺得眼前嘅景像好似末日；就係之前嘅 風暴下的樂園...  不過，同一時間，我亦都覺得呢個情景好魔幻，令我慨嘆呢個世界的嘅瀚，自己嘅渺小。

不同嘅人會選擇用自己嘅方式面對末日呢個傳聞；事實上，呢個傳聞就對我嘅生活冇咩特別影響。我依然每一日起身就會每隻 Duffy 都錫一下，安置好佢地響床上或梳化上，然後開始我嘅每一天；

我依然每一日將 迷你Duffy 掛響我個袋上面，陪我出街、陪我返學、陪我考試、陪我返工...  而去到每一晚，我又會再錫每一隻 Duffy 一下，將佢地抱起，然後同佢地響床上訓一個好嘅覺！

其實，幸福係可以自己選擇嘅；我就選擇每一日都將歡樂、幸運帶俾自己，俾我幸福地過每一日。無論真係有世界末日，又或者去到最後一啲事都冇發生過都好，就讓我地幸運地過每一日啦！我會緊記著，活在世界上，我有權利選擇點樣過每一日！我地約定2012年12月22日再見啦！