親手製作屬於自己的聖誕玩具士兵!

迪士尼主題公園 Disney Parks 嘅網誌響早前發表咗一篇關於 聖誕玩具士兵 紙工藝嘅文章；我急不及待下載咗落黎，整咗一個屬於自己嘅 聖誕玩具士兵！大家會唔會覺得佢有啲熟口面呢？

其實響上面嗰張相片嘅背景已經可能搵到答案，呢張相片係響前一排發表嘅一篇文章內搵出黎嘅。響之前嘅「回望昔日的迪士尼雪亮聖誕」提及到響2010年，樂園入面曾經出現 薑餅人村莊，而 聖誕玩具士兵 就會響 薑餅人村莊 同大家見面！可惜，之後已經冇再見到 聖誕玩具士兵 嘅蹤影...

今次就等我整下紙工藝，親手整一隻得意可愛嘅 聖誕玩具士兵，將佢擺響電腦旁邊陪我過聖誕！

成日都俾表面呃咗，睇落好似好易整，但最後又搞咗好耐...  我原本諗住整兩隻架，不過都係算啦...

迪士尼 方面將呢個紙工藝模版放咗響一個叫做 Spoonful 嘅網站，於是我又響呢個網站探索下；睇下睇下，竟然俾我搵到 Oswald the Lucky Rabbit 嘅紙工藝模版！所以我又整咗一隻 Oswald！

除此之外，Spoonful 網站入面亦有好多關於 迪士尼朋友 嘅小創作，呢隻 聖誕米奇 都幾可愛！

大家鍾意的話都可以整一個屬於自己嘅紙工藝作品陪自己過聖誕架！( Spoonful ) 

最後，想事先同大家講返聲：黎緊呢個禮拜將會比較忙，星期一、四要考試，其餘日子都要返工；所以 Tho'sDreams 發表文章可能會出現延遲，不過我都盡量會抽時間寫文章嘅，希望大家見諒！