近期欣賞 迪士尼飛天巡遊 嘅時候,我都好鍾意望實充滿活力嘅 米奇,捕捉佢趣緻嘅一面!雖然呢個巡遊已經演出咗超過兩年,但每次見到 米奇 帶領大家飛躍奇妙,我都會好開心!
過完農曆新年,又要換下主題圖片!雖然新年版唔係用咗好耐,但我唔係咁慣整個Blog都係紅色... 今次就用咗 迪士尼飛天巡遊 嘅 米奇 做主角!米奇:「準備好出發未呢?出發去冒險啦!」
底色係淺藍色,代表蔚藍嘅天際,而背景圖片亦加上一朵朵白雲!就好似置身於半空之中呢!
以後當我見到呢個藍天白雲嘅 Tho's Dreams 主題,我都會提醒自己要響生活中增添想像力!想像力能夠為生活增添樂趣,大家都將想像力飛上半空,一齊飛躍奇妙,開開心心過每一天吧!
沒有留言:
張貼留言