第一張相我地用咗 迷離大宅 做背景；Duffy 問幾時先可以入去玩，但係我都答佢唔到... 哈哈！
睇完上面張相，相信大家都知道我地係身處響 灰熊山谷 嘅邊緣！既然黎到又點可以唔影地標呢？
出返 探險世界，我地坐木筏、上樹屋！響碼頭都影返張相留念先！咦，咁啱有探險船經過喎！
第四站：明日世界！向宇宙進發，展開星空之旅！就讓我地響 太空山 底下記載呢次星際旅程啦！
黎到 反斗奇兵大本營，即刻同 泡泡龍 合照先！唔知佢地想唔想同呢隻玩具恐龍一齊玩呢？
之後我地去到 幻想世界火車站，原本想坐火車返大街嘅，但我地見到啲野，因而停下腳步...
就係 夢想花園 入面嘅 Duffy ( 有關文章 ) ！我地帶著兩隻小熊，衝咗去同佢見面、擁抱、影相！搵完 Duffy 後我地唔坐火車，決定行出去，途經 石中神劍；兩隻熊仔合力拔出長劍！好可愛！
最後一個園區就係 美國小鎮大街！進入商店裡面，用玻璃屋天窗做背景，同佢地影咗張相。
響 大街糖果店 嘅外面，我地仲見到用咗 Duffy迪士尼小熊 曲奇餅做主題嘅全新櫥窗！
我地嘅兩隻熊仔，再加上櫥窗內嘅熊仔... 嘩！小熊歡眾，真係一個熱鬧嘅 Duffy 派對！
玩足全日，夠鐘要離開樂園啦... 臨走之前，趁著最後機會，響樂園正門影多一張相啦！
呢次帶東京嘅 大Duffy 入樂園玩，令我諗起之前生日嘅時候同另一隻 大Duffy 入園玩嘅情境... 上次就係生日，而呢次就有好友相伴，兩次都係好獨特嘅奇妙體驗！唔知下次又輪到邊隻熊仔呢？
沒有留言:
張貼留言