為自己添新裝! 嘩! 好多三眼仔啊!

上個星期，樂園失驚無神推出咗 奇妙處處通 會員 專享商品六折優惠，大家有冇入園掃貨呢？星期六返最後一日工之前，我都有趁機會入園睇下有冇咩可以買返屋企！最後當然有收穫啦！





我嘅收穫就係：三眼仔T恤！響新商店 安仔玩具箱 見到呢件衫，覺得好靚，所以即刻就買咗！T恤上面有好多 綠色小人 三眼仔！佢地真係好可愛！好多隻夾埋一齊，呢個圖案好震撼！





同之前買俾 巨大Duffy 嘅嗰件衫一樣，呢件T恤都釘有 反斗加兵大本營 標誌，並有附送招牌。







六折喎！點解我會得咁少收穫？其實係因為前排都有演藝人員商品優惠，我已經掃咗好多貨...  講開T恤，我響嗰段期間都買咗件T恤俾自己，係一件深紅色嘅 米奇 T恤！簡單得黎亦幾好睇！





買呢件衫俾自己，係因為我好鍾意個圖案，好似畫緊畫咁；就連T恤嘅後面都有 米奇 嘅背面架！







真係估唔到，園方響農曆新年之前先推出過會員專享額外10%折扣，今次咁快又再出六折優惠！感覺上，六折真係平好多，唔知你又趁六折優惠買咗啲咩俾自己呢？收穫豐富嗎？:)