不過，樂園指南暫時就未有作出更新，依然用緊舊版本，表示著 安仔玩具箱 將於二月中旬開幕；為避免對賓客造成不便，園方亦於正門入口兩旁嘅樂園資訊索取處擺放 安仔玩具箱 嘅開幕告示。
今日入到去商店入面，覺得入面嘅裝潢整得好有心思！至於啲新商品就... 對我黎講冇咩吸引力... 原本諗住影夜景嗰陣先至一次過影埋店內佈置，但係我竟然唔記得咗呢個園區而家會提早關閉！今日影唔到唔緊要，我遲啲再去影返！之後再同大家分享更多關於 安仔玩具箱 嘅資訊啦！
2013年2月5日
反斗奇兵大本營 全新商店 安仔玩具箱 響上星期經已拆除圍板，響我地嘅眼前展現真面目！正當 安仔 為玩具箱進行最後粉飾工作嘅時候，樂園都同時為呢間新商店嘅開幕做好準備！
位於 美國小鎮大街 嘅其中兩個商品櫥窗已經換成 安仔玩具箱 嘅主題，去迎接新商店開幕！
胡迪 旁邊有好大張字條寫住「Toy Box」，翠絲 嘅後面更加有整個 安仔玩具箱 嘅圖案！
工程監督 薯蛋頭先生 繼續緊守自己嘅崗位！不過我覺得最驚喜嘅係，竟然有 巴斯光年！因為 巴斯 一直都住響 明日世界，響 反斗奇兵大本營 都唔見佢嘅蹤影，今次佢終於衝出宇宙！
除咗商品櫥窗之外，安仔玩具箱 亦已經出現於最新一期樂園指南，並表示 將於二月中旬開幕！
好想快啲入去 安仔玩具箱 睇下啊！點解要二月中旬先開幕... 如果聽日就有得入去就好啦... ( 原本想扮到好似開口中、預知未來咁，但係而家樂園Facebook專頁都已經公佈咗了，哈哈！)
沒有留言:
張貼留言