今次嘅位置對正城堡嘅中央,雖然唔係最前嗰幾排,有時會俾前面啲人遮到,幸好影響不大。
星夢奇緣 絕對係一個不容錯過嘅表演;黑夜之中,睡公主城堡 嘅上空綻放煙火,非常璀璨奪目。
響整個表演之中,不同型態嘅煙火響空中爆發,眼前嘅景象變幻無窮,唔知你最鍾意邊一幕呢?
城堡亦配合音樂,造出不同顏色嘅燈光效果,有時更加會噴發小型煙火,為整個畫面作出點綴!
表演黎到尾聲,一粒粒火光隨隨升上半空,再爆發出巨型嘅煙花,一次又一次傳來巨響。最後嘅一點光茫慢慢淡化,天空只剩低一片黑暗;見到呢個情境,提醒我係時候要返屋企啦...
由於煙花嘅發射角度係配合城堡黎設計嘅,所以響城堡前、大街上所見到嘅畫面係比較完美嘅。但先後試過響 明日世界、幻想世界、反斗奇兵大本營 睇煙花,我反而最喜歡 幻想世界 嘅氣氛... 可能係因為冇咁多人,比較寧靜舒適,再配合充滿童話氣息嘅周邊佈置,係一種好獨特嘅體驗!有時,試下用另類方法去做同一件事,整件事就會變得截然不同!奇妙,係可以由自己去發掘嘅!
沒有留言:
張貼留言