延續回憶的相簿, 感受每張相片的故事...

曾經都同大家分享過，響我心目中，每張相片裡面都存在著一個故事，一個記載著回憶嘅故事；翻開一本屬於自己嘅相簿，就好似睇緊一本故事書，令人回想過去嘅經歷...

響不知不覺間，2013年已經過咗三份之一，唔知大家響過去嘅幾個月有冇一啲深刻嘅經歷呢？上年我製作咗第一本屬於自己嘅相簿，今年將會延續落去！我早前就已經買咗一本新嘅2013相簿！

2013相簿，固然係代表呢本相簿印證著呢一年所發生嘅事！但更重要嘅係，有好多 魔法師米奇！

另一樣我覺得幾得意嘅係，封面後面有一個位置可以放相，放咗之後，嗰張相片就會顯示於封面！

正常黎講，我會響年尾先至一次過曬相，所以暫時都唔會有相片放入呢本2013相簿；其實上年嗰本我都未完成，因為用咗七個園區做主題，仲差 迷離莊園！應該好快會大功告成架啦！

講起相片，趁機會講埋另一樣由樂園送出嘅紀念品啦！就係一本好趣緻嘅相片動畫簿！大家仲記得聖誕節嘅 映像．微故事 活動嗎？呢本相片動畫簿就係參加呢個活動所獲得嘅禮物！

一打開呢本簿，會發現只係得一張相片，之後慢慢揭落去，就會出現更多相片；快速地揭頁的話，一張又一張相片就會繼而出現，去到最後，就係一棵由多張相片組成嘅聖誕樹！

每張相片原先已經有佢本身嘅故事，但多張相片組合起黎，又會譜寫出新故事！係唔係好得意呢？大家都一齊感受一下每張相片所帶出嘅故事吧！偶然睇返以前嘅相，亦都會係一件幾開心嘅事！