上年年尾,我同朋友一齊訂咗好多 迪士尼 書籍,其中一本叫做「Poster Art of the Disney Parks」由書名可以得知,呢本書係講述 迪士尼主題公園 海報藝術嘅,今日就想同大家分享一下呢本書。
![](https://blogger.googleusercontent.com/img/b/R29vZ2xl/AVvXsEhDnmwISK1cWCCHhF684NAlCCYZQnFKsH4HFNpbibXkMy9gUYxGpvGWuAbbnSGix4InRaM04lvrcYFxLz8O7WR5-KIzC6xWj91SCuOcs98L5J5L5-Dn5nSJgXS-3tH5JGpM5FaZWGLA8j4/s400/01.jpg)
聽到 華特迪士尼幻想工程 Walt Disney Imagineering 呢個名字,相信會令你諗起樂園建設!但係你又知唔知道,其實樂園裡面嘅所有海報都係佢地負責製作嘅!所以呢本書都係由佢地出版!
![](https://blogger.googleusercontent.com/img/b/R29vZ2xl/AVvXsEhe_j-mHxBGe1PITb0bTVM553rJkmR6K_enHk7lyAs6PVVttkqY2r1_IxEJ6bYwjkA1PEjoWfvK0u1dpgAp9Dz78O7PV1DcryrRBFTCu0VyfVvFS5zB9GuWDmMEP4Bv3RgYzai6FqxZM-w/s400/02.jpg)
書中內容就首先介紹到海報對 迪士尼主題公園 嘅意義、價值,亦有講到海報響園內嘅使用情況。原來,呢啲海報嘅最主要用途,並唔係用黎介紹園內不同嘅設施,反而係用黎做裝飾!
當初 華特迪士尼先生 設計 迪士尼樂園 嗰陣,心中係想將整個樂園比喻為一個用作演出嘅劇院;美國小鎮大街 作為呢個劇院嘅大堂,又點可以冇節目海報呢?所以最後就出現咗一張張海報!
![](https://blogger.googleusercontent.com/img/b/R29vZ2xl/AVvXsEhayFXL3rgLe_R3Ybw-hqNzsXBKGrTK4hZFmCuiewZ33U111Pe2HZK0r6VmAwjYaLg-sCU0yvCFuDDnesbtAZzc3kdBcPXIYaO1WZAfX2zbowkV5nLbK919Q5NlGsGKjl9DCfnTwWA0Tqc/s400/03.jpg)
講完樂園海報嘅背景資料後,書中就開始以主題園區黎做分類,展示各個設施嘅獨有海報。
第一個園區,當然就係「劇院大堂」,美國小鎮大街!以下呢三張都係 迪士尼樂園鐵路 嘅海報!
![](https://blogger.googleusercontent.com/img/b/R29vZ2xl/AVvXsEg3LJlaAjG1vtYWDMxl3ioZ0_LWq00bIqewzTSZ8UL1b_vAzJll9zSoO_RSyGgOTczFkFQka0FaikQrwZBMduuJR5D6jw1aC6CXoxlffnpe5I5cNUYrp28PDH72hxxO-4gd9o3xJBZcibA/s400/04.jpg)
另外有一幅海報特別引起咗我嘅注意,就係 東京迪士尼樂園 嘅 世界市集 World Bazzar。東京迪士尼樂園 係現時惟一沒有 美國小鎮大街 嘅 迪士尼樂園,取而代之嘅就係 世界市集。
事實上,世界市集 嘅風格同 美國小鎮大街 非常相似,不過佢就有一個獨有嘅特點:天幕!而響呢幅海報上面,都特別強調咗天幕呢個特點,令 世界市集 顯得與別不同!
![](https://blogger.googleusercontent.com/img/b/R29vZ2xl/AVvXsEjS37FMt-9eZ0QhXQ3yTgOXmrhMhLi9PyDpMtTSSkDsYlTNcXrNk_tCwIG67BkDX8EzPt0uFCc3Tf1oF1QeDUCHKpBQ-NrEl13KPzTO6Dd6yM__Xlo47Ajq0g-jlfOWlLT3kAjKmzJBe2U/s400/05.jpg)
下一個園區,就係 探險世界!書中都刊登咗好多來自 香港迪士尼樂園 嘅海報!
以下呢幾張 森林河流之旅、獅子王慶典、河景餐廳 嘅海報,又會唔會令你覺得特別有親切感呢?
![](https://blogger.googleusercontent.com/img/b/R29vZ2xl/AVvXsEgI838lKpkb0KP8cTnbKrOErGsL9wLRXPOX8hY-8C4aFJ3TiL-h50E-rzy2Z-nqKS7rEYeXOrsHDZFirY1JJM-iEesL44g1Chx0CAy5TMfV72O25ZBOScKaRw6GSDwzW9gwcW_8zvEqQdU/s400/06.jpg)
![](https://blogger.googleusercontent.com/img/b/R29vZ2xl/AVvXsEi9TUwvkcMTcrUa9Bimg3zJfhXijJMSKphJOZ4HzNjIOTSlwnhtVYeO85-3f0Dt_wXMVtc3qEGTsuNRqLkmIO5AM7YzkvFLHTZEIEzb01OmVeihy7J6mRD3k_wP1_xDhuJj-_gUbN5R6kE/s400/07.jpg)
仲有 泰山樹屋!可以見到,雖然其他樂園嘅樹屋並唔係以 泰山 做主題,但海報都係大同小異;剛才嘅 迪士尼樂園鐵路 海報都係一樣,不同樂園嘅鐵路就算有少少差異,海報都係差唔多嘅。呢個做法,或者係刻意用黎聯繫起各個 迪士尼樂園 嘅遊樂設施,令佢地更加有連貫性。
![](https://blogger.googleusercontent.com/img/b/R29vZ2xl/AVvXsEgL_Q7dnmrQ8ahRrE7BBJ6U8uFhxeK9WJPEy3tQ493zGey-db83J-iZtFWds2BVAvmIPHfpRUpwXbgJB4uazF8jY_LAQhTqmdWcpWTaV5q-DlduTmxt-4hyfjVwM3zoEWolYNYDyf1sOAM/s400/08.jpg)
呢本書嘅內容係以加洲嘅 迪士尼樂園 黎編排嘅,所以有一啲主題園區係香港冇嘅。邊域世界 Frontierland 就係其中一個香港冇嘅園區,不過 灰熊山谷 可以話係佢嘅呢一個版本。
呢個園區最經典嘅遊樂設施,就係 Big Thunder Mountain 巨雷山、Splash Mountain 飛濺山!丫,話時話,我都未見過 灰熊山谷 嘅海報,唔知有冇嘅呢?如果有嘅話我都有興趣想睇下!
![](https://blogger.googleusercontent.com/img/b/R29vZ2xl/AVvXsEhouIiu5buxduBfKbhaMkzx6FcHzKnm_En7ZiNgg7qHHbtmxtMQjAQepMtoBUuBf3y-1cEDBDsdsKlzj2AIe1YKnqMmywwzEJ9NPg_f833ci32K6oR1v3VXBu2DLAwFqgADDdcpuqRuAlI/s400/09.jpg)
書中下一個部份,就係 New Orleans Square 新奧爾良廣場,一個加洲 迪士尼樂園 獨有嘅園區。佢地嘅 Haunted Mansion 幽靈公館 就係位於呢個園區裡面嘅,海報上面有三隻鬼魂跳舞!
![](https://blogger.googleusercontent.com/img/b/R29vZ2xl/AVvXsEj8OK9Be25qT4U6BfbVaSYP4QhTRaC_crMBe0r6hyIQkwm6mcPFaWfiMmjtHqJYi3fUkl1TZgebqpzZeSp8zbIQ-C_e-KpD4GgInvFnLweY5tjjPsFzHeyy2zy9klk0IlIaBqTGNHOpXc4/s400/10.jpg)
下一站:幻想世界!頭先就特別講到部份遊樂設施嘅海報響不同 迪士尼樂園 係差唔多嘅... 但係,另一啲遊樂設施嘅海報又未必會採用相同嘅做法,世界各地嘅版本可能會相差好遠... 小飛象旋轉世界、瘋帽子旋轉杯 嘅海報,各個版本都有一定程度嘅差別,或者係同時代有關。
![](https://blogger.googleusercontent.com/img/b/R29vZ2xl/AVvXsEhvbSRz-1MVXeCttfR54hjK8zTnvZeP1FiXzDcqiSNuiZGhWXLvR7GjDnt-XzyzyoRuH82u4RXd92683mRPgZ3UDcl85v3oLFzBFJP433EO8iG2a8Kx_PG5wYdUmLnMQ3F2CgbSrrb5Kzw/s400/11.jpg)
![](https://blogger.googleusercontent.com/img/b/R29vZ2xl/AVvXsEiwABQhUq5WH8weTX3aGBjNJLp44MeNL8P1ReHL9_ABv_32PvCGwBjatV5__6IRrK2IkX0cGQTRMRqrPK2Ram9p9wsUHXsprhdmlxb8vF3doBtJEy5whvZjgfRj2nZ-n_B5Zs9q03dIx-8/s400/12.jpg)
最大差別嘅,係 小小世界 嘅海報!其他樂園嘅版本都比較簡單,然而,香港版本就畫咗好多野!唔通係因為香港嘅 小小世界 係最新嘅一個?見到呢張海報,我突然為 香港迪士尼樂園 感到自豪!
![](https://blogger.googleusercontent.com/img/b/R29vZ2xl/AVvXsEiv88xKZyfhxkaz6Cs_Wvr97fMA7aa5kO9ULqYqT3wU5CXx1fOEufD_6pkThAIPvNu_G0ipV70-M0NlmuaCvWdjSFPN00acMleXWKdZhOBjokfK_1kYomOXE4o-RtFn5WNYeClF5Um9igA/s400/13.jpg)
好啦!只係剩返 明日世界 未講啫!呢個園區最具標誌性嘅遊樂設施,固然就係 飛越太空山!書中都有各個 迪士尼樂園 不同版本嘅 太空山 海報,你認得出邊一張係黎自 香港迪士尼樂園 嗎?
![](https://blogger.googleusercontent.com/img/b/R29vZ2xl/AVvXsEhopF26GghL23mI_1anAKmbXw0QX3qgZe4cdSzGd3j1vFHLoWzFoRTVHBG2oiUQa-4ZC1xO-pm6dPzab1YRnd1o2wppAZXIOFIW0dC7B-Cr-WdpAMy4GwlSmGxwqa6Z1I4rIacBTOBo6sQ/s400/14.jpg)
講到 明日世界,就不得不講 巴黎迪士尼樂園,因為佢地嘅 明日世界 係全球最特別嘅一個;嚴格黎講,巴黎迪士尼樂園 並無 明日世界,佢地有一個獨有嘅園區 探索世界 Discoveryland。
探索世界 同樣係以科幻做題材,但係響整體景觀上,就有明顯分別,尤其係佢地嘅 太空山!
巴黎嘅 太空山,外觀用咗綠色做主色,內裡嘅星際之旅亦有差異,所以連張海報都寧舍有意境!
![](https://blogger.googleusercontent.com/img/b/R29vZ2xl/AVvXsEj0GvKmE9EwDKZcICbvgOdMvVz3sSQKi8LJDiQTz_B81ZcRhyphenhyphen1sauH0eVZycms0KLAqB8ZncsIO6-g7l63gRRqaidDydR44hS0m_M0wjbGZm_roYsuCuPSKKiGoUUJdXP-MmzX57ONyX24/s400/15.jpg)
除咗 太空山 之外,明日世界 呢個主題園區仲有另一個大受歡迎嘅遊樂設施,就係 馳車天地!隨著時代變遷,我地嘅汽車都慢慢改進,所以 馳車天地 不同版本嘅海報,差異係更加明顯。順帶一提,呢個遊樂設施響不同地區所採用嘅題材係有分別嘅,例如東京版本就用咗賽車做題材。
![](https://blogger.googleusercontent.com/img/b/R29vZ2xl/AVvXsEguLOQBAJDdOMtrsoItvs-DezyDUv949_aPQU6DfsQ4nyQ0a9D6GTrHDUB9xNRw4Z9cYgb1MmYlceHg9Vhz2jVoKTTxUj9IIWRqrIKvxkmiistp-oyj3CmSxAarP9FZo7NJRK0LJc_HZjU/s400/16.jpg)
展示所有 迪士尼樂園 主題園區嘅海報之後,呢本書響最後都特別收錄另外兩個主題公園嘅海報。其中一個就係響上年先至完成大規模粉飾工程,剛剛「重生」嘅 迪士尼加洲冒險樂園!
![](https://blogger.googleusercontent.com/img/b/R29vZ2xl/AVvXsEj0anYw_JC1-MDujgMAI9eUEspDPpSvoSTQKJ3S9wzRG15N-NkSG6GGrMSCakABnNhJWqZdowPWAQanXYz5d67VVUeYaVo9rd6-5Q4d2f0tMNArjZRGxcRNdBJHiz002JEPde8c_o3ifOU/s400/17.jpg)
雖然我就仲未有機會到訪 ( 其實係自己暫時放棄咗呢個機會 XD ),不過都對啲海報幾有興趣!我好鍾意 米奇摩天輪 Mickey's Fun Wheel、反斗車王天地 Carsland 呢幾張海報嘅畫風啊!
![](https://blogger.googleusercontent.com/img/b/R29vZ2xl/AVvXsEjN1Fcdp_acQBYmawjmdvO25RruOJMoSbuJGGCuerII85ap8eZ2EZStrSGHpDaVSaunW09VyOd-IS79JF7ThqRWKDvhGo-F8GcLDP8575OtX8ZyhC4ZPbwd5LhDuiHmuA2p7SRUoISPx7o/s400/18.jpg)
![](https://blogger.googleusercontent.com/img/b/R29vZ2xl/AVvXsEg_b5_YeBH3MX-nM6rMOHTR-8WpUcL6rkSkwsa4PSSZLlv2HKFQRaOuUaqxn_8AKAA-AiJxTcU53hd5RXxVIjTnaj9mwfX8iJ5ADQg_nzCW2XOhIt9ZlmDyMNYBWdGhyphenhyphenguzPUvm2xFDkvA/s400/19.jpg)
另一個特別收錄嘅樂園,就係被譽為世界上設計得最細緻嘅一個主題公園:東京迪士尼海洋!一個咁高評價嘅樂園,值得擁有一個屬於自己嘅章節!而首幅展示出黎嘅海報,就係 驚魂古塔!
![](https://blogger.googleusercontent.com/img/b/R29vZ2xl/AVvXsEgT7Ir_VefJ5IUqeq7n-8NciuyEzRg-JCeLp1trtJU1c0tbQ9Mvfm9V579jmVTCaldzh4O8pLt4X2ownAA6vR7z74Z3wZcQy37xkuKqPqd447OKtfZ-apVWqCbapba4kzSlYlS5t2V5aSU/s400/20.jpg)
其餘仲有一啲標誌性遊樂設施嘅海報,包括大受好評嘅過山車,忿怒雙神 Raging Spirits。另外亦有上年先至盛大開幕嘅 反斗奇兵瘋狂遊戲屋 Toy Story Mania,可以見到一眾玩具角色!
![](https://blogger.googleusercontent.com/img/b/R29vZ2xl/AVvXsEjzLqRg07yA6SnSYNIZH2t3cA7GoWU7uZG2WPMV7s2S9leoQudhZeZU3yuQgyl6KKC1ct4Iy2aNlB68g-iJCGjCvP74JskIdNVZwDbUj7TUL4pgICAz_drmdYpUPCxo1JC_aOpxsHiU5bk/s400/21.jpg)
![](https://blogger.googleusercontent.com/img/b/R29vZ2xl/AVvXsEh4yCfshj1QUwOymBntc4dvxPCjk_iiCFLlsUtUrRorTu3rsdY42Vl_qm-6il51GrCyFFY5DvCczKyUe3-K8THaIOOi24qaDmvYy_MiP6ZGIeqEDsk3xuK6JjmegOzScFNRlark_tWBndc/s400/22.jpg)
全本書入面,有一頁我覺得係最得意有趣嘅,因為呢一頁顯示咗樂園海報嘅製作過程;每一張海報響設計嘅時候,都係逐隻逐隻顏色咁加上去嘅!睇落好似好易,但相信都要好花心機!
![](https://blogger.googleusercontent.com/img/b/R29vZ2xl/AVvXsEgsM8geyKRWRGAK6d8N0-sEKhyJUnfeNnktM-mqPnZTR9tLPd6lwi0xFBJK9J_sE9b4IE952wskiRqAS0hM1tYE3iz8whCfRiYWxShNOuyp80pZaNFRFeF5EZiGLgtwVYu1YOPIf4Ks1GU/s400/23.jpg)
我地作為一間「劇院」嘅「觀眾」,往往都會忽略咗裡面嘅「節目海報」,覺得佢地冇咩特別... 但係當知道咗海報背後嘅意義,以及設計者所花嘅心機,其實每一張海報都值得我地細心欣賞!
請問係邊度訂
回覆刪除