樂園事物仔細尋 系列再次登場！上次就帶大家去到 灰熊山谷 尋金，唔知大家有冇專程去睇下呢？今次，我地將會去到另一個新園區 反斗奇兵大本營！主角就係裡面嘅全新商店，安仔玩具箱！
自從 安仔玩具箱 開幕後，我每次打開樂園指南，見到呢間商店，心中都會出現一個有趣嘅疑問...
地圖顯示 安仔玩具箱 頂部係由四種顏色組成，究竟係唔係真嘅呢？抑或只係為咗美觀而畫上去？
為咗發掘呢條問題嘅答案，我上次入園時就特別走去玩下 玩具兵團跳降傘，升上半空睇清楚！
原來係真架！雖然角度唔係咁好，只係睇到綠色同埋黃色，不過都可以推斷地圖係依照實物繪畫！平時響樂園都唔會睇到建築物頂部，惟獨降傘令我地可以升上半空！唔通係因為咁而塗上顏色？
沒有留言:
張貼留言