正當 香港迪士尼樂園 不斷為 怪獸大學 呢套電影催谷人氣嘅時候，響網上搵到一個最新消息！迪士尼主題公園 官方網誌表示，美國方面會響今年暑假推出 Duffy迪士尼小熊 毛毛造型服飾！
近期佢地都傾向推出以 迪士尼朋友 造型黎設計嘅服飾，不過我就覺得唔係次次都行得通嘅... 有時真係未必會好夾，而今次就令我有啲卻步... 所以我比較在意嘅，係旁邊另一套 Duffy 服飾！
響圖中隱約見到旁邊嗰套服飾包含間條上衣、間條帽子、紅色圍巾，感覺上都好似唔錯咁！網上有另一啲消息指出呢套係鐵路控制員服飾，亦有講到今年將會有全新嘅 Duffy 萬聖節服飾！
不過，呢啲服飾應該都唔會咁快有得賣，所以要等下啦！我地都係睇返樂園近期推出嘅商品先啦！上個月，樂園就推出咗 Duffy iPhone 5 手機保護殼，但我嗰部手機就唔係 iPhone 5，冇我份！:(
新服飾未上架，唔緊要！新嘅手機保護殼用唔著，都唔緊要！因為仲有另一啲野值得我地留意！1月嘅時候就分享過，Duffy 已經進駐 夢想花園，就算冇特別活動，都會響平日同大家見面！好可惜，而家響 夢想花園 已經再見唔到佢嘅蹤影啦... 因為佢轉移咗陣地，去咗 美國小鎮大街！
但其實見唔見到 Duffy 都要碰下運氣，因為佢應該唔係日日都會出現，只係偶然出一出黎。點都好，各位 Duffy 嘅粉絲，假如好好彩見到佢的話，記得要行埋去同佢影相，打個招呼啊！:)
沒有留言:
張貼留言