雖然 迷離莊園 仲未開幕，但係 迷離珍藏店 裡面經已有少量主題商品登場，供試玩賓客選購；暫時推出咗嘅主要都係服飾，其實我對其他商品會更有興趣，不過最後都忍唔住買咗一樣野返去！
就係一條 迷離莊園 童裝短褲！巨大Duffy 又有新衫著啦！反而我自己就冇收穫，哈哈！
呢條短褲都設計得幾仔細，釘有 迷離大宅「MM」標誌，但點解唔用代表 迷離莊園「MP」標誌嘅？
短褲上面亦都繡有一個圖案，睇黎 米奇、唐老鴨、布魯托 打算入去 迷離大宅 探險喎！咦！睇下 唐老鴨 嘅頭上戴住啲咩？係一頂土耳其帽子！亨利爵士、阿拔 都係戴住呢頂帽架！
之前嘅 反斗奇兵大本營、灰熊山谷 主題服飾，都會附有一個招牌，今次都唔例外！
幫 巨大Duffy 著好條褲啦！佢係唔係好有型呢？上衣係 灰熊山谷，短褲就係 迷離莊園！
佢已經集齊 香港迪士尼樂園 三個全新主題園區嘅主題服飾！唔知佢自己又最鍾意邊一個園區呢？
沒有留言:
張貼留言