Pixar動畫 X Uniqlo 主題T恤

尋日就講到響試玩嗰日買咗一條 迷離莊園 童裝短褲俾 巨大Duffy，反而自己就未有收獲...  不過，前兩日行行下街，走咗入Uniqlo店舖，有一個特別發現！就係 Pixar 動畫作品主題T恤！

作為一個 迪士尼 Fans，見到咁多以不同 迪士尼朋友 設計嘅T恤，當然對呢啲T恤好有興趣！最後我買咗四件T恤，滿載而歸！而每件衫都附有一個招牌，印有好多 Pixar 創作嘅 迪士尼朋友！

曾經同大家分享過，響眾多 Pixar 動畫作品當中，我最鍾意嘅，就係 《太空奇兵 威‧E》。

四件T恤入面有兩件都係同呢齣動畫有關！第一件就有 EVE 做主角！好似一隊機械人軍隊，哈哈！

有 EVE，梗係唔少得 Wall‧E 啦！另一件T恤就係由佢做主角，佢仲拎住咗電影入面嘅植物添！

下一件T恤就跳到去另一齣動畫《反斗車王》，其實我本身對呢堆車冇咩興趣，唔係太喜歡佢地；直至前嗰排睇咗《反斗車王2》，覺得又唔係想像中咁差！但最重要嘅係，我好鍾意呢件衫嘅畫風！

最後一件T恤就用咗一齣我都好鍾意嘅 Pixar 動畫作品做主題，《Ratatouille 五星級大鼠》！T恤上面可以見到主角 老鼠味王 落緊調味料！仲有註明「Master Chef at Work 大廚工作中」 ！

Uniqlo經常都會同 迪士尼 合作，推出過多款T恤，今次又用咗 Pixar 動畫做主題，真係有眼光！佢地啲衫設計得幾好，亦都好抵買！有興趣的話可以去店舖行返轉，話唔定都會有收獲架！